ვისაც გაქვთ IPTV პლეილისტი და გიჭედავთ ან არ მუშაობს, უნდა გაითვალისწინოთ, რომ ზოგადად, უამრავი არხიდან შეიძლება რომელიმე არხი ჭედავდეს ხანდახან, მერე გამოსწორდება. ეს ჩვეულებრივ ახასიათებს ყველა პლეილისტს. ასევე, უნდა დააკვირდეთ ყველა არხს აქვს პრობლემა (უცხოურს და ქართულს), თუ მარტო ზოგიერთ არხს. თუ ზოგიერთი არხი ჭედავს და ზოგი არა, მაშინ შეიძლება პლეილისტის და მისი მოწოდების ბრალია, ამას ეხლა არაფერი ეშველება, მაგრამ გამოსწორდება აუცილებლად. თუ ყველა ჭედავს მაშინ აშკარად თქვენთან არის რაღაც პრობლემა და მის მოგვარებაზე წაიკითხეთ ქვემოთ.
თუ მაინც გინდათ გადაგიმოწმებთ, მარტო თქვენთან ჭედავს თუ ჩვენთანაც, ამ შემთხვევაში მოგვწერთ რამდენიმე არხი რომელიც ჭედავს და რომელიც არ ჭედავს. გადავამოწმებთ ჩვენთანაც და მოგაწვდით ინფორმაციას.
თუ პლეილისტის ბრალია
თუ ნამდვილად პლეილისტის ბრალია. როგორც წესი გადაცემები მოეწოდება უცხოეთიდან, შეიძლება წყაროს სერვერზე დროებითი ტექნიკური პრობლემები იყოს. ჩვეულებრივ ეს პრობლემები დიდხანს არ გრძელდება და მალე სწორდება, შეგიძლიათ დაელოდოთ. ან შეგიძლიათ დაუკავშირდეთ მათ ვისგანაც გაქვთ პლეილისტი და გაიგოთ რაშია საქმე, ან სთხოვოთ თუ არის შესაძლებელი სერვერი შეგიცვალონ. როგორც წესი, ამ დროდადრო პრობლემას ზოგი მომხმარებელი ეგუება, ზოგი ვერა. თუ ვერ ეგუებით მაშინ არის 3 გამოსავალი:
- გაწყვიტეთ ამ პლეილისტის სარგებლობა და დაგიბრუნებთ გაუხარჯავ თანხას;
- შეცვალეთ ეს პლეილისტი სხვა პლეილისტით ან სხვაგან ან ჩვენთან, აქ არის ჩვენი ყველა პლეილისტი: https://smarttv.ge/pc/playlists/premium-playlists/
- ან უფრო უკეთესია, დაზღვეული რომ იყოთ პრობლემებისგან, პარალელურად ორი ან რამდენიმე პლეილისტი გამოიყენოთ. ჩვენი პლეისტებიდან დღეისათვის პლეილისტის პაკეტი COMBO-03-ის ვარიანტები უფრო სტაბილურია https://smarttv.ge/shop/?s=COMBO-03&post_type=product&product_cat=0&view_mode=list ;
თუ მხოლოდ თქვენთან არის პრობლემა
თუ თქვენთან არის პრობლემა შეეცადეთ თქვენ თვითონ იპოვოთ იგი და თუ შეძლებთ გამოასწოროთ კიდეც. პრობლემა შეიძლება იყოს:
- ინტერნეტი არ მიეწოდება მოწყობილობას. თქვენ შეიძლება დააკავშიროთ მოწყობილობა როუტერს, მაგრამ შეიძლება მას არ მიეწოდებოდეს ინტერნეტი. გადასამოწმებლად უნდა ჩართოთ რაიმე აპლიკაცია მაგალითად: YouTube ან ბრაუზერი და ნახეთ როგორ მუშაობს. ასევე კაბელით შეერთების დროს გადაამოწმეთ მიდის თუ არა ინტერნეტი კაბელში. ინტერნეტ-პროვაიდერების როუტერებს აქვს რამდენიმე პორტი. იქედან ზოგიერთში მოდის ინტერნეტი და ზოგიერთში არა (დარეზერვებულია მათი საკაბელო ტელევიზიისთვის).
- დაბალი ინტერნეტის სიჩქარე. უნდა გაზომოთ ინტერნეტის სიჩქარე უშუალოდ თქვენი მოწყობილობიდან. ამისათვის ამ მოწყობილობის ბრაუზერით უნდა შეხვიდეთ რაიმე ინტერნეტის სიჩქარის გასაზომ საიტზე (მაგალითად: www.speedtest.net ) და გაზომეთ სიჩქარე. ან თუ გაქვს სიჩქარის გასაზომი რაიმე აპლიკაცია უკვე დაინსტალირებული, გაზომეთ იქედან. გაითვალისწინეთ რომ თქვენს მოწყობილობას მინიმუმ 10 Mbps სიჩქარე უნდა მიეწოდებოდეს.
თქვენ შეიძლება შეძენილი გქონდეთ კარგი ინტერნეტ სიჩქარის პაკეტი, მაგრამ თუ WiFi-ით გაქვთ დაკავშირებული და როუტერი შორს დგას, ან ბარიერები ეღობება (კედელი, ავეჯი ან სხვა რამე), ან ბევრი მოწყობილობა ერთდროულად იყენებს ინტერნეტს, მაშინ შესაბამისად თქვენს მოწყობილობამდე ინტერნეტის მიწოდების სიჩქარე მოიკლებს. - ცვალებადი ინტერნეტის სიჩქარე. ზოგჯერ ინტერნეტის სიჩქარე „თამაშობს“, ხან გაიზრდება, ხან შემცირდება და 10 Mbps-ზე ქვემოთ ჩამოდის. ეს გამოიწვევს ჩვენების „ჭედვებს“. ამის დასადგენად ხშირად უნდა გაზომოთ ინტერნეტის სიჩქარე და დააფიქსირებთ სიჩქარის დავარდნები.
- დაკიდებული როუტერი. ინტერნეტის როუტერი ხშირად ეკიდება და საჭიროებს პერიოდულად ჩართვა-გამორთვას ელექტრო ქსელიდან. გარდა ამისა ჩვეულებრივი სახლის როუტერებს ერთდროულად ბევრი მოწყობილობის შეერთებას ვერ უძლებს.
- სუსტი მოწყობილობა. თუ თქვენ გაქვთ ძველი სუსტი მოწყობილობა, მაგალითად 1 ოპერატიული მეხსიერებით, სუსტი მთავარი პროცესორით, სუსტი ვიდეო პროცესორით. არაა გამორიცხული რომ თქვენმა მოწყობილობამ ინტერნეტ-ტელევიზიის ჩვენებასაც კი ვერ გაუძლოს.
- გადატვირთული მოწყობილობა. თუ თქვენ ერთდროულად გაშვებული გაქვთ ბევრი აპლიკაცია და პროცესი თქვენს მოწყობილობაზე, მაშინ არაა გამორიცხული რომ მოწყობილობა გადაიტვირთოს და მისი მუშაობა შენელდეს, შესაბამისად ინტერნეტ-ტელევიზიის აპლიკაცია შეფერხებით იმუშავებს.
- თქვენი ინტერნეტ-პროვაიდერი ხომ არ ბლოკავს IPTV ტელევიზიას. გადაამოწმეთ სხვაგან ან მობილურ ინტერნეტზე თუ მუშაობს ეს პლეილისტი. უნდა დარწმუნდეთ, რომ თქვენი ინტერნეტ-პროვაიდერი არ ბლოკავს. თუ ბლოკავს, მაშინ გამოიყენეთ ბლოკირების თავიან აცილების საშუალებები, მაგალითად: DNS სერვისი ან VPN სერვისი.
- სუსტი პლეერი. ასევე მნიშვნელოვანია ინტერნეტ-ტელევიზიის საყურებლად რამდენად პოპულარულ და განახლებულ აპლიკაციას ანუ პლეერს იყენებთ.
- რამე შემთხევით ხომ არ დააზიანეთ. შემთხვევით პლეილისტების პლეერში რაიმე პარამეტრები ხომ არ შეცვალეთ ან პლეილისტი ხომ არ წაგეშალათ.
