ვისაც გაქვთ IPTV პლეილისტი და გიჭედავთ ან არ მუშაობს ნორმალურად, უნდა გაითვალისწინოთ, რომ ზოგადად, უამრავი არხიდან შეიძლება რომელიმე არხი ჭედავდეს ხანდახან, მერე გამოსწორდება. ეს ჩვეულებრივ ახასიათებს ყველა პლეილისტს. ასევე, უნდა დააკვირდეთ ყველა არხს აქვს პრობლემა (უცხოურს და ქართულს), თუ მარტო ზოგიერთ არხს. თუ ზოგიერთი არხი ჭედავს და ზოგი არა, მაშინ შეიძლება პლეილისტის და მისი მოწოდების ბრალია, ამას ეხლა არაფერი ეშველება, მაგრამ გამოსწორდება აუცილებლად. თუ ყველა ჭედავს მაშინ აშკარად თქვენთან არის რაღაც პრობლემა და მის მოგვარებაზე წაიკითხეთ ქვემოთ.
თავდაპირველად გირჩევთ გადაამოწმოთ, მარტო თქვენთან ჭედავს თუ ჩვენთანაც ანუ ყველასთან, ამისათვის მოგვწერთ სმს შეტყობინებით ზუსტი დასახელება 3 ცალი არხის, რომელიც ჭედავს და 3 ცალი, რომელიც არ ჭედავს. გადავამოწმებთ ჩვენთანაც და მოგწერთ პასუხს.
თუ პლეილისტის ბრალია
თუ ნამდვილად პლეილისტის ბრალია. როგორც წესი გადაცემები მოეწოდება უცხოეთიდან, შეიძლება წყაროს სერვერზე დროებითი ტექნიკური პრობლემები იყოს. ჩვეულებრივ ეს პრობლემები დიდხანს არ გრძელდება და მალე სწორდება, შეგიძლიათ დაელოდოთ. ან შეგიძლიათ დაუკავშირდეთ მათ ვისგანაც გაქვთ პლეილისტი და გაიგოთ რაშია საქმე, ან სთხოვოთ თუ არის შესაძლებელი სერვერი შეგიცვალონ. როგორც წესი, ამ დროდადრო პრობლემას ზოგი მომხმარებელი ეგუება, ზოგი ვერა. თუ ვერ ეგუებით მაშინ არის რამდენიმე გამოსავალი:
- მოგვწერეთ და თქვენს უკვე არსებულ პლეილისტს სერვერს შევუცვლით. (თუ სერვერის შეცვლამაც არ უშველა, მაშინ ქვემოთ სხვა ვარიანტი აირჩიეთ);
- შეცვალეთ თქვენი პლეილისტი სხვა პლეილისტით, ან პარალელურად ორი ან მეტი პლეილისტი გამოიყენეთ, დაზღვეული რომ იყოთ პრობლემებისგან. (პირადად ჩვენც ოჯახებში ასე ვაკეთებთ). ამ ლინკზე არის ყველა პლეილისტის პაკეტი, შეგიძლიათ გადახედოთ თითოეულის არხების ჩამონათვალს და შეარჩიოთ თქვენთვის სასურველი პაკეტი: https://smarttv.ge/pc/playlists/premium-playlists ან აქ შეგიძლიათ იხილოთ თითოეული პაკეტის შედარების ცხრილი: https://smarttv.ge/select-playlists . ჩვენი პლეისტებიდან დღეისათვის პაკეტი COMBO-04-ALL პოპულარულია, რადგან იაფია. ცოტა ძვირია COMBO-03, მაგრამ უფრო სტაბილურია. COMBO-03 პაკეტს აქვს რამდენიმე ვარიანტი, შეგიძლიათ გადახედოთ თითოეულის არხების ჩამონათვალს და შეარჩიოთ თქვენთვის სასურველი პაკეტი ამ ლინკზე: https://smarttv.ge/shop/?s=COMBO-03&post_type=product&product_cat=0&view_mode=list ;
- გაწყვიტეთ ჩვენგან პლეილისტით სარგებლობა და უკან დაგიბრუნებთ გაუხარჯავ თანხას, შეიძლება სხვაგან მოძებნოთ უკეთესი;
თუ მხოლოდ თქვენთან არის პრობლემა
თუ თქვენთან არის პრობლემა შეეცადეთ თქვენ თვითონ იპოვოთ იგი და თუ შეძლებთ გამოასწოროთ კიდეც. პრობლემა შეიძლება იყოს:
- ინტერნეტი არ მიეწოდება მოწყობილობას. თქვენ შეიძლება დააკავშიროთ მოწყობილობა როუტერს, მაგრამ შეიძლება მას მაინც არ მიეწოდებოდეს ინტერნეტი. გადასამოწმებლად უნდა ჩართოთ რაიმე აპლიკაცია, მაგალითად: YouTube ან რაიმე ბრაუზერი და ნახეთ როგორ მუშაობს. ასევე კაბელით შეერთების დროს გადაამოწმეთ მიდის თუ არა ინტერნეტი კაბელში. ინტერნეტ-პროვაიდერების როუტერებს აქვს რამდენიმე პორტი. იქედან ზოგიერთში მოდის ინტერნეტი და ზოგიერთში არა (ზოგიერთი პორტი დარეზერვებულია მათი საკაბელო ტელევიზიისთვის).
- მოწყობილობას არ მიეწოდება საკმარისი ინტერნეტის სიჩქარე. უნდა გაზომოთ ინტერნეტის სიჩქარე უშუალოდ იმ მოწყობილობიდან საიდანაც უყურებთ IPTV-ის. ამისათვის ამ მოწყობილობის ბრაუზერით უნდა შეხვიდეთ რაიმე ინტერნეტის სიჩქარის გასაზომ საიტზე (მაგალითად: www.speedtest.net ) და გაზომეთ სიჩქარე. ან თუ გაქვს სიჩქარის გასაზომი რაიმე აპლიკაცია უკვე დაინსტალირებული, გაზომეთ იქედან. გაითვალისწინეთ რომ თქვენს მოწყობილობას მინიმუმ 10 Mbps სიჩქარე უნდა მიეწოდებოდეს სტაბილურად. თქვენ შეიძლება შეძენილი გქონდეთ კარგი ინტერნეტ-სიჩქარის პაკეტი, მაგრამ თუ WiFi-ით გაქვთ დაკავშირებული და როუტერი შორს დგას, ან ბარიერები ეღობება (კედელი, ავეჯი ან სხვა რამე), ან ბევრი მოწყობილობა ერთდროულად იყენებს ინტერნეტს, მაშინ შესაბამისად თქვენს მოწყობილობამდე ინტერნეტის მიწოდების სიჩქარე მოიკლებს.
- ცვალებადი ინტერნეტის სიჩქარე. ზოგჯერ ინტერნეტის სიჩქარე „თამაშობს“, ხან გაიზრდება, ხან შემცირდება და 10 Mbps-ზე ქვემოთ ჩამოდის. ეს გამოიწვევს ჩვენების „ჭედვებს“. ამის დასადგენად ხშირ-ხშირად უნდა გაზომოთ ინტერნეტის სიჩქარე და დააფიქსირებთ სიჩქარის დავარდნები.
- სუსტი და მოძველებული როუტერის გაჭედვა. ინტერნეტის სუსტი და მოძველებული როუტერი ხშირად იჭედება და საჭიროებს პერიოდულად ჩართვა-გამორთვას ელექტრო ქსელიდან. გარდა ამისა, ჩვეულებრივი ბიუჯეტური სახლის როუტერები ერთდროულად ბევრი მოწყობილობის შეერთებას ვერ უძლებს, ასე ხდება დღის იმ მონაკვეთში როცა სახლში ყველა ოჯახის წევრია და მათი მოწყობილობები ჩართულია ინტერნეტში, ჩვეულებრივი როუტერი ვერ უძლებს ამდენი მომხმარებელს ერთდროულად.
- სუსტი მოწყობილობა. თუ თქვენ გაქვთ ძველი სუსტი მოწყობილობა, მაგალითად 1 ოპერატიული მეხსიერებით, სუსტი მთავარი პროცესორით, სუსტი ვიდეო პროცესორით. არაა გამორიცხული რომ თქვენმა მოწყობილობამ ინტერნეტ-ტელევიზიის ჩვენებასაც კი ვერ გაუძლოს.
- გადატვირთული მოწყობილობა. თუ თქვენ ერთდროულად გაშვებული გაქვთ ბევრი აპლიკაცია და პროცესი თქვენს მოწყობილობაზე, მაშინ არაა გამორიცხული რომ მოწყობილობა გადაიტვირთოს და მისი მუშაობა შენელდეს, შესაბამისად ინტერნეტ-ტელევიზიის აპლიკაცია შეფერხებით იმუშავებს.
- თქვენი ინტერნეტ-პროვაიდერი ხომ არ ბლოკავს IPTV ტელევიზიას. გადაამოწმეთ სხვაგან ან მობილურ ინტერნეტზე თუ მუშაობს ეს პლეილისტი. უნდა დარწმუნდეთ, რომ თქვენი ინტერნეტ-პროვაიდერი არ ბლოკავს. თუ ბლოკავს, მაშინ გამოიყენეთ ბლოკირების თავიან აცილების საშუალებები, მაგალითად: DNS სერვისი ან VPN სერვისი.
- სუსტი პლეერი. ასევე მნიშვნელოვანია ინტერნეტ-ტელევიზიის საყურებლად რამდენად პოპულარულ და განახლებულ აპლიკაციას ანუ პლეერს იყენებთ.
- რამე შემთხევით ხომ არ დააზიანეთ. შემთხვევით პლეილისტების პლეერში რაიმე პარამეტრები ხომ არ შეცვალეთ ან პლეილისტი ხომ არ წაგეშალათ.
